Ժիրինովսկին այլեւս առաջնորդ չէ՞

Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին պահանջում է պատժել Коммерсант-ի լրագրողներին, որոնք աղավաղել են իր խոսքերը. գրում է Росбaлт-ը:

«Коммерсант-ը հոդված է հրապարակել` «Վոլֆովիչը հեռանում է»: Ոչ մի տեղ էլ նա չի գնում: Ոչ ոք ոչ մի տեղ չի գնում: Մենք երբեք չենք պայքարել մամուլի դեմ: Մենք կողմ ենք ազատ մամուլին: Սակայն երբ բառերդ աղավաղում են, սուտ լուրեր են տարածում քո մասին, ստիպված ես արձագանքել»,- հայտարարել է Ժիրինովսկին:

Коммерсант-ն իր հոդվածում գրել էր, թե Ժիրինովսկին մտադիր է թողնել կուսակցության ղեկավարի պաշտոնը և հանձնել այն կուսակցության Բարձրագույն խորհրդին: