ԼՂ կարգավորման հարցով այսօր բանակցություններ չեն ընթանում. Էդվարդ Նալբանդյան

Այսօր ԱԳ նախարար Էդվարդ Նալբանդյանը  Հունաստանի ԱԳ նախարար Նիկոս Կոսձիասի հետ համատեղ մամուլի ասուլիս է տվել: Հարցին, թե ինչ փուլում են ԼՂ կարգավորման բանակցությունները, ԱԳ նախարար Էդվարդ Նալբանդյանը պատասխանել է, որ այսօր բանակցություններ չեն ընթանում այն պատճառով, որ Ադրբեջանի կողմից ապրիլյան ագրեսիայով շատ լուրջ հարված հասցվեց դրանց:

Ըստ Նալբանդյանի` բանակցային գործընթացը հետ մղվեց Ադրբեջանի մեղքով: Եվ, չնայած դրան, ՄԽ եռանախագահները շարունակում են ջանքեր գործադրել Ադրբեջանին կառուցողական դաշտ տեղափոխելու համար:

«Եռանախագահներն այցելել են Բաքու այս ամսվա վերջին, մարտի 27-ին եռանախագահները կգան Հայաստան, կլինեն Արցախում, և պետք է փորձենք այս գործընթացը շարժել առաջ, բայց նախևառաջ պետք է բացառել այնպիսի գործողությունները, որոնք եղան անցյալ տարվա ապրիլին»,- ասել է նախարարը: