Ավստրալիայում մանկապիղծ հոգևորականների զոհ է դարձել 4500 երեխա

Ավստրալիայում 35 տարվա ընթացքում գրանցվել է մոտ 4500 հայց ընդդեմ մանկապիղծ կաթոլիկ հոգևորականների. ըստ РИА Новости-ի` գրում է Sydney Morning Herlad-ը` վկայակոչելով անչափահասների դեմ սեռական ոտնձգությունների փաստերը հետաքննող Թագավորական հանձնաժողովի տվյալները: Ըստ դրանց`1950-2010 թթ. մանկապղծության մեջ մեղադրվել է Ավստրալիայի կաթոլիկ հոգևորականների 7 տոկոսը, չորս կրոնական կազմակերպություններում` 20 տոկոսից ավելին: Իգական սեռի զոհերի միջին տարիքը 10,5 է, արական սեռի զոհերինը` 11,5 տարեկան: Զոհերի իրական թիվը հնարավոր չէ նշել, քանի որ շատերը նախընտրում են լռել: 

Մանկապղծության մեղադրանքներ հնչել են ոչ միայն ավստրալական կաթոլիկ հոգևորականության հասցեին: Նմանատիպ սկանդալներում են հայտնվել ԱՄՆ-ի, Բելգիայի, Իռլանդիայի և այլ երկրների քահանաներ: Մինչդեռ, ըստ The New York Times-ի, Վատիկանը ոչ միայն լռել է այդ միջադեպերի մասին, այլև որևէ ներքին հետաքննություն չի անցկացրել: