«ժառանգություն» -ն ընտրություններին կմասնակցի դաշինքով

«ժառանգություն»-ն առաջիկա խորհրդարանական ընտրություններին կմասնակցի դաշինքով: Այս մասին լրագրողներին ասել է կուսակցության փոխնախագահ Արմեն Մարտիրոսյանը: «Խորհուրդը ճնշող մեծամասնությամբ կողմ էր դաշինքային տարբերակին: Կուսակցության նիստին քվեարկություն է եղել և խորհուրդն այդպես է որոշել, պաշտոնական բանակցողներ են նշանակվել», – նշել է նա: Նշենք նաև, որ «ժառանգություն»-ը բանակցություններ կվարի երկու քաղաքական միավորների հետ՝ Սեյրան Օհանյան-Վարդան Օսկանյան դաշինքի և «Ելք»-ի հետ: Մարտիրոսյանն ասել է նաև, որ Զարուհի Փոստանջյանի անահատական կարծիքին ծանոթ չէ, թե նա շարունակո՞ւմ է դեմ լինել դաշինքով հանդես գալուն, բայց ըստ Մարտիրոսյանի՝ ամբողջական քվեարկության արդյունքում համաձայնություն է տրվել ընտրություններին դաշինքով մասնակցությանը: