Այվազովսկու 200-ամյակի կապակցությամբ Թեոդոսիայում կվերանորոգվի Արմյանսկայա փողոցը

Աշխարհահռչակ ծովանկարիչ Հովհաննես Այվազովսկու 200-ամյակի կապակցությամբ նրա ծննդավայր Թեոդոսիայում կվերանորոգվի 2 փողոց և նրբանցք, նաև Այվազովսկու շատրվանը. հայտնում է Крыминфо-ն:

«Նկարչի հոբելյանին պատրաստվելու շրջանակներում բյուջետային միջոցներով վերանորոգվելու են Ֆոնտաննայա և Արմյանսկայա փողոցները, Այվազովսկու նրբանցքը: Նախապատարստական աշխատանքները մեկնարկել են, որպեսզի եղանակային պայմանների բարելավման պես սկսենք վերանորոգումը»,- ասել են քաղաքապետարանում` հավելելով, որ ծրագրում են վերանորոգել նաև Այվազովսկու շատրվանը, որ քաղաքի այցեքարտերից է:

Այվազովսկու 200-ամյակը համաշխարհային հանրությունը նշելու է 2017-ի հուլիսի 29-ին: