Դելիում արգելել են միանգամյա պլաստիկի օգտագործումը

Հնդկաստանի մայրաքաղաք Դելիում արգելել են միանգամյա պլաստիկի օգտագործումը։ Ազգային կանաչ տրիբունալը արգելել է քաղաքի բնակիչների համար պլաստիկ փաթեթների, բաժակների, միանգամյա օգտագործման սպասքի եւ այլ արտադրանքի կիրառումը, հաղորդում է Life–ը։

Փետրվարի 1-ից ուժի մեջ մտնող այս որոշման առիթ է հանդիսացել Հնդկաստանի մայրաքաղաքի բնապահպանական մտահոգիչ իրավիճակը։ Մասնավորապես, քաղաքի խոշոր 3 աղբանոցներում վերջերս պլաստիկի ապօրինի այրումը։ «Բոլոր կորպորացիաները եւ անհատները, ներառյալ՝ Դելիի ղեկավարությունը, պարտավոր են քայլեր ձեռնարկել պլաստիկի եւ չվերամշակվող թափոնների արտադրությունը նվազեցնելու ուղղությամբ», – ասված է Ազգային կանաչ տրիբունալի տարածած հայտարարության մեջ։ 

Պլաստիկի արտադրությունը ուղեկցվում է մթնոլորտ վտանգավոր քիմիկատների արտանետմամբ, մինչդեռ համաշխարհային օվկիանոս նետվող օգտագործված պլաստիկի 60տոկոսը կարելի է վերամշակել։