Թուրքիայի մշակույթի նախարարը Դինքի սպանության կապակցությամբ ցավակցել է հայ համայնքին

Թուրքիայի մշակույթի և զբոսաշրջության նախարար Նաբի Ավջըն մասնակցել է «Ակօս» թերթի խմբագիր Հրանտ Դինքի սպանության 10-րդ տարելիցին նվիրված հուշ-միջոցառմանը:

Ըստ Demokrathaber-ի՝ Ավջըն Դինքի մահվան կապակցությամբ ցավակցել է Դինքի ընտանիքին, մտերիմներին, «Ակօս»-ի աշխատակիցներին և հայ համայնքին:

Դինքի սպանության բացահայտման գործով դատավարությունների վերաբերյալ հարցին ի պատասխան՝ նախարարը նշել է, որ այդ գործը հասել է այսօրվան՝ մի շարք խառնիճաղանջ փուլեր անցնելով:

«Տեսանք, թե ինչ մութ խաղեր են խաղացել այս ընթացքում: Աստված տա՝ հետագա դատավարություններն ընթանան իրավունքին, օրենքին և արդարությանը համապատասխան»,- նշել է Ավջըն: