Գիտության պետական կոմիտեն արտաբյուջետային հաշիվ կունենա

Կառավարության վաղվա նիստի օրակարգում է կրթության և գիտության նախարարության գիտության պետական կոմիտեին արտաբյուջետային միջոցների հաշիվ բացելու թույլտվություն տալու մասին հարցը:

Առաջնորդվելով  ՀՀ ԱԺ համապատասխան որոշումներով, նաև հիմք ընդունելով ՀՀ  և ԵՄ  միջև 2016 թվականի մայիսի 19-ին Բրյուսելում ստորագրված «Հորիզոն-2020. հետազոտությունների և նորարարության շրջանակային ծրագիր (2014-2020)» ծրագրին ՀՀ  մասնակցության մասին» համաձայնագիրը՝ համապատասխան ֆինանսավորումը ստանալու և միջազգային կազմակերպությունների կողմից օժանդակվող ծրագրերին տրամադրվող գումարների շրջանառությունն ապահովելու նպատակով կառավարությունը որոշում է.

Թույլատրել ՀՀ ԿԳՆ  գիտության պետական կոմիտեին ֆինանսների նախարարության գանձապետական ստորաբաժանումում բացել կրթության և գիտության նախարարության գիտության պետական կոմիտեի արտաբյուջետային միջոցների նոր հաշիվ մինչև 2021 թվականի դեկտեմբերի 30-ը գործողության ժամկետով:

Իրավական ակտի ընդունումը պայմանավորված է 2016 թվականի հոկտեմբերի 19-ի «Հայաստանի Հանրապետության և Եվրոպական միության միջև կնքված «Հորիզոն-2020. հետազոտությունների և նորարարության շրջանակային ծրագիր (2014-2020)» Միության ծրագրին Հայաստանի Հանրապետության մասնակցության մասին» համաձայնագիրը վավերացնելու մասին» Հայաստանի Հանրապետության Ազգային ժողովի որոշմամբ: