Ստորը ձերբակալվեց. Թուրքիայի վարչապետը՝ «Ռեյնա»-ի ահաբեկչի մասին

Երեկ Թուրքիայում ընթացող լայնածավալ գործողությունների ընթացքում ձերբակալվել է Նոր տարվա գիշերը ահաբեկչություն իրականացրած՝ ծագումով ուզբեկ  Աբդուլգադիր Մաշարիփովը:

Ըստ Demokrathaber-ի՝ Թուրքիայի վարչապետ Բինալի Յըլդըրըմն այդ մասին ելույթում ասել է. «Հարձակումն իրականացնող և բազմաթիվ մարդկանց մահվան պատճառ դարձած ստոր ահաբեկիչը երեկ իրականացված գործողությունների ընթացքում ձերբակալվել է: Այժմ շարունակվում է նրա հարցաքննությունը: Այս հարցով շատ մանրամասներ կան, սակայն բավարարվենք այսքանով: Հավելյալ տեղեկություններ կտրվեն հետագայում»:

Նշենք, որ «Ռեյնա» գիշերային ակումբում հրաձգության հետևանքով մահացել էր 39 մարդ: