«Ռեյնա»-ի ահաբեկիչը 4-ամյա որդու հետ փախուստի է դիմել

Թուրքիայի «Ռեյնա» գիշերային ակումբում Ամանորի գիշերը ահաբեկչություն իրականացրած անձը 4-ամյա որդու հետ փախուստի է դիմել. տեղեկացնում է Demokrathaber-ը:

Կայքի հաղորդմամբ՝ ոստիկանությունը հատուկ գործողություն է իրականացրել ծագումով ուզբեկ ահաբեկիչ Աբդուլգադիր Մաշարիպովի Մալթեփեյի տանը, որի ընթացքում ձերբակալվել է նրա կինը, իսկ 1.5-ամյա դուստրը վերցվել է խնամքի:

Ըստ տեղեկությունների՝ ահաբեկչությունից հետո Մաշարիպովը փախուստի է դիմել իր 4-ամյա որդու հետ:

Ստամբուլի՝ ահաբեկչության դեմ պայքարի ոստիկանությունն այժմ աշխատանքներ է իրականացնում ԴԱԵՇ-ի՝ Ստամբուլում գտնվող կապերը բացահայտելու, ինչպես նաև «Ռեյնա»-ում ահաբեկչություն իրականացնելու հարցում Մաշարիպովին օգնելու մեջ կասկածվողներին հայտնաբերելու ուղղությամբ: