Քուրդ կինը մեկ գործողության ընթացում սպանել է ԻՇԻՊ-ի 74 ահաբեկչի

Սիրիական Կոբանի քրդաբնակ քաղաքում շարունակվում են «Իսլամական պետության» հարձակումները: Հայտնի է դարձել, որ քրդական Դեմոկրատական կուսակցությունից` Արին Միկրան ծածկանունով կին զինյալը մեկ գործողության ընթացքում սպանել է ԻՇԻՊ-ի 74 ահաբեկչի:

Ըստ Haberler-ի՝ քրդական կուսակցությունն այդ մասին հայտարարություն է տարածել և պաշտոնապես հայտնել, որ «շարունակվում է Կոբանին գրավելու նպատակով ՏԱՀԵՇ-ի խմբավորումների հարձակումների դեմ պայքարը: Այսօր՝ հոկտեմբերի 5-ին, Կոբանիի Մեգթել և Բոթան թաղամասերում հզոր բախումներ են տեղի ունեցել, որոնց ընթացքում սպանվել է 74 ահաբեկիչ: Նրանց մուտքը Կոբանի կանխելու նպատակով խիզախորեն պայքարել են մեր 15 ընկերները: Նրանց թվում է Արինը, ով այդ գործողության ժամանակ  ոչնչացրել է տասնյակ ահաբեկիչների»:

Քրդուհուն հերոսի կոչում են շնորհել: