Տոներին սահմանին առավել հանգիստ է եղել.Վիգեն Սարգսյան

Հայկական կողմի մոտեցումն է՝ զինադադարի ցանկացած խախտում միջազգային պարտավորության խախտում է: Այս մասին այսօր ՀՀ հանրապետական հավաքակայանում լրագրողների հետ զրույցում ասաց ՀՀ պաշտպանության նախարար Վիգեն Սարգսյանը:

Վիգեն Սարգսյանը նշեց, որ հայկական կողմի քաղաքական մոտեցումն այն է, որ զինադադարի ցանկացած խախտում միջազգային պարտավորության խախտում է, ինչին պետք է ռազմական գնահատական տալ:

Այսուհանդերձ, անդրադառնալով տոնական օրերին սահմանում տիրող իրավիճակին, ՊՆ նախարարն ասաց, որ տոնական օրերին սահմանին առավել հանգիստ է եղել, սակայն դա չի նշանակում, որ հրադադարի խախտում չի եղել։
Վիգեն Սարգսյանի խոսքով՝ հակառակորդը շարունակում է պարբերաբար կրակ արձակել, դա հիմնականում չթիրախավորված, ընդհանուր ֆոնային կրակ է:

Ինչ վերաբերում է հայկական կողմի արձագանքին, նախարարն ասաց.«Մեր զինված ուժերը թիրախային արձագանքում են միայն այն դեպքերում, երբ թիրախ խոցելու անհրաժեշտություն կա»: