Ինչից հաճույք ստանում եք, էդ էլ արեք. վարչապետը՝ նախարարին

Այսօր կառավարության նիստում Կարեն Կարապետյանը խնդրեց նախարարներին զեկուցելիս լինել առավելագույնս լակոնիկ, որովհետև պետք է հասցնել ներկա գտնվել ԱԺ քվեարկությանը: Հիշեցնենք, որ այսօր քվեարկության է դրվելու 2017թ. բյուջեի նախագիծն ընդունելու հարցը:

Տարածքային կառավարման եւ զարգացման նախարար Դավիթ Լոքյանն էլ զեկուցում էր աղբավայրերի, աղբահանության կազմակերպման մասին: Նա ցանկանում էր բացատրել զեկույցի բովանդակությունը, սակայն, հիշելով վարչապետի հանձնարարականը՝ լինել առավելագույնս կարճ, մի պահ կանգ առավ ու հարցրեց` շարունակի՞, թե՞ կանգ առնի` ժամանակի սղությամբ պայմանավորված:

Վարչապետը հարցրեց. «Իսկ Դուք ինչի՞ց եք հաճույք ստանում»:

Լոքյանը պատասխանեց. «Չշարունակելուց»:

«Ուրեմն էդ արեք»,- ասաց Կարեն Կարապետյանը: