Փախստականների առջև դարպասները կբացվեն. Էրդողանը սպառնացել է ԵՄ-ին

Թուրքիայի նախագահ Ռեջեփ Թայիփ Էրդողանն արձագանքել է Թուրքիայի եվրաինտեգրման գործընթացի սառեցման վերաբերյալ` Եվրախորհրդարանում ընդունված բանաձևին:

Ըստ Siyasihaber3-ի՝ նա սպառնացել է ԵՄ-ին՝ փախստականների առջև դեպի Եվրոպա տանող դարպասները բացել:

«Հավաքվել են 30-40 հոգով ու «ոչ» են ասում: Ձեր ողջ կազմով «այո» ասեք՝ ի՞նչ օգուտ: Դուք երբեք մարդկությանը արդար վերաբերմունք չեք ցուցաբերել: 3 միլիոն փախստականներին կերակրողը մենք ենք: Նայիր այստեղ՝ սահմաններդ մի քիչ էլ անցնես, այս դարպասները կբացվեն: Այդ չոր սպառնալիքները, որ հնչեցնում եք, ո'չ ես եմ հասկանում, ո'չ էլ այս ժողովուրդը»,- ասել է Էրդողանը: