ՊԵԿ փոխնախագահը տեղյակ չէ բանանի ներկրման վերաբերյալ` ՊԵԿ-ի տարածած հաղորդագրության մասին

Երեկ ՊԵԿ-ը հաղորդագրություն և տեսանյութ էր տարածել այն մասին, որ անհայտ անձինք փորձել են խոչընդոտել բանանի ներկրման գործընթացին, սակայն միջադեպը հարթվել է: ՊԵԿ-ը նաև տնտեսվարողներին հորդորում էր խնդիրների դեպքում անմիջապես ահազանգել:

Այսօր լրագրողները ՊԵԿ փոխնախագահ Վախթանգ Միրումյանից փորձեցին տեղեկանալ, թե ովքե՞ր էին բանանի ներկրմանը խոչընդոտողները, սակայն Միրումյանը նշեց որ տեղյակ չէ` ինչի մասին է խոսքը: «Տեղյակ չեմ, անկեղծ ասած, թե ինչ խոչընդոտներ են եղել, ինչպես են հարթվել: Ես տեղեկացված եմ միայն, որ կան բանան ներմուծողներ, բայց թե ի՞նչ խոչընդոտներ են եղել, այդ տեղեկատվությանը չեմ տիրապետում»,- ասաց ՊԵԿ փոխնախագահը:

Yerkir.am-ի հարցին, թե արդյո՞ք ՊԵԿ-ը չպետք է դիմեր իրավապահ մարմիններին, եթե օրինազանցություն է հայտնաբերել, Վախթանգ Միրումյանը պատասխանեց. «Բնականաբար, եթե հարցերը գտնվում են իրավապահ մարմինների տիրույթում, ուրեմն նրանք էլ պետք է զբաղվեն այդ հարցով»: