Սահակաշվիլիի` նահանգապետ լինելը վիրավորանք էր Օդեսայի բնակիչների համար. Պուտին

Միխեիլ Սահակաշվիլիի` նահանգապետ լինելը վիրավորանք է օդեսացիների եւ ամբողջ ուկրաինացի ժողովրդի համար. հայտարարել է ՌԴ նախագահ Վլադիմիր Պուտինը  ռեժիսոր Օլիվեր Սթոունին «Ուկրաինան կրակի մեջ» ֆիլմի համար տված հարցազրույցում:

«Դրանով ուղղակի թքեցին օդեսացիների եւ ամբողջ ուկրաինացի ժողովրդի վրա, դա վիրավորանք է: Նրան նույնիսկ ԱՄՆ մեկնելու աշխատանքային վիզա չտրամադրեցին: Նրան չցանկացան աշխատանքի ընդունել այն համալսարանները, որտեղ ցանկանում էին տեղավորել: Սակայն Օդեսայի նահանգապետ նա կարող էր լինել: Ի՞նչ է, այդ աշխատանքը կատարելու համար ազնիվ, պրոֆեսիոնալ ուկրաինացիներ չկայի՞ն»,- ասել է Պուտինը: