Պետական մարմիններում ՏՏ համակարգերն ու ցանցերը պաշտպանված կլինեն «ԴՈՍ» հարձակումներից

Կառավարության վաղվա նիստի օրակարգում կապի, տրանսպորտի և ՏՏ նախարորությունը ներառել է մի հարց, ըստ որի գործադիր մարմինների ղեկավարները  պետական մարմինների կողմից «Ինտերնետ կապի տրամադրման» ծառայությունների գնումը կիրականացնեն միայն այն կազմակերպություններից, որոնք կմատուցեն «ծառայության ժխտում/բաշխված ծառայությունների ժխտում» (ԴՈՍ/ԴԴՈՍ (DOS/DDoS) (այսուհետև «ԴՈՍ»)  հարձակումներից պաշտպանված ինտերնետ կապ:

Նախագիծը մշակվել է հիմք ընդունելով «Ինտերնետ Կառավարման Համաժողով» միջգերատեսչական խմբի կողմից ներկայացված առաջարկությունը, որի նպատակն է պետական մարմինների կողմից «Ինտերնետ կապի տրամադրման» ծառայությունների գնման գործընթացում սահմանել տեխնիկական նվազագույն պահանջներ, որպեսզի գնվի միայն «ԴՈՍ» հարձակմներից պաշտպանված ինտերնետ կապ:

Հաշվի առնելով տեղեկատվական տեխնոլոգիաների զարգացումը և պետական համակարգում դրա համատարած կիրառումը, ինչպես նաև ինտերնետ միջավայրում հակերային և «ԴՈՍ» հարձակմների հաճախակիությունը ՀՀ-ում սահմանված չէ պետական մարմինների կողմից «Ինտերնետ կապի տրամադրման» ծառայությունների գնման գործընթացում պաշտպանված ինտերնետ կապի մատուցման նվազագույն պահանջները:

Որոշման նախագծով սահմանվում է տեխնիկական նվազագույն պահանջներ օգտվողներին և ցանցերը պաշտպանելու «ԴՈՍ» հարձակմներից:

Որոշման նախագծի ընդունման արդյունքում կբարձրացվի պետական մարմիններում տեղեկատվական անվտանգության մակարդակը, ինչպես նաև օգտվողները և պետական մարմնի տեղեկատվական համակարգերը ու ցանցերը պաշտպանված կլինեն «ԴՈՍ» հարձակումներից: