Մոսկվա-Երևան ավտոբուսի վթարի հետևանքով զոհվել է ՀՀ 5 քաղաքացի. ԱԳՆ

Ըստ նախնական տվյալների՝ Հյուսիսային Օսիայում տեղի ունեցած ավտովթարի հետևանքով զոհվել է ՀՀ 5 քաղաքացի, կան վիրավորներ։

Դոնի Ռոստովում ՀՀ գլխավոր հյուպատոսությունը մշտական կապի մեջ է տեղի իշխանությունների հետ։ Մանրամասն տեղեկատվություն կհայտնենք հավելյալ:

Ավելի վաղ հայտնել ենք, որ այսօր` ժամը 04.30-ին (տեղական ժամանակով՝ 05.30-ին), ՌԴ ԱԻՆ ճգնաժամային կառավարման կենտրոնից տեղեկություն է ստացվել, որ Վլադիկավկազ-Բեսլան շրջանցիկ ավտոճանապարհի 8-րդ կմ-ում «Մերսեդես Բենց-0404-15R» մակնիշի 50 AA 515 պետհամարանիշով մարդատար ավտոբուսը Մոսկվա-Երևան երթուղին իրականացնելիս բախվել է «Սկանիա» մակնիշի բեռնատար ավտոմեքենային: