Մամիկոն Ասլանյանը չգիտի, թե մրցակից դաշտից ովքեր են քվեարկել իր օգտին

Վանաձորի քաղաքապետ դարձավ ՀՀԿ թեկնածու Մամիկոն Ասլանյանը: Լրագրողների հետ զրույցում նա նշեց. «Ես վանաձորցի 15 հազար ընտրողների ներողամտությունն եմ հայցում: Ես նրանց ուզում եմ հույս ներշնչել, որ նրանց տված քվեն օդում չի մնա, չի փոշիանա, ում ուզել են տեսնել քաղաքի ղեկավարի պաշտանում, կարծում եմ` տեսան»:

Հարցին, թե ովքե՞ր էին երեք ընդդիմադիր ուժերը ներկայացնող ավագանու անդամները, ովքեր խախտեցին պայմանավորվածությունը ու քվեարկեցին ՀՀԿ-ի օգտին, Մամիկոն Ասլանյանը պատասխանեց, որ ինքն իսկապես չգիտի, թե ովքեր են նրանք:

Ասլանյանը հերքեց խոսակցությունները, թե ճնշումներ են եղել նրանց վրա,` ասելով, որ մրցակից թիմը լուրեր էր տարածում նաև, թե ՀՀԿ-ն փող է բաժանել, այնինչ` որևէ փաստ այդպես էլ չկարողացան ներկայացնել: