Մամիկոն Ասլանյանը մնում է կալանքի տակ, որովհետև իշխանությանը հաճո քաղաքապետ չէ. Գեղամ Մանուկյան

Արդեն երկու տարի կալանքի տակ գտնվող Վանաձորի նախկին քաղաքապետ Մամիկոն Ասլանյանը կշարունակի մնալ կալանավորված։

«Երեկ Խորհրդարանում քննարկվում էր դատավորների մասին հարցը․ դատավորները գնտնվում են իշխանությունների ճնշման տակ, նրանք էլ իրենց կամակորությամբ, քաղաքական նպատակներով շարունակում են կալանքի տակ պահել մեր հայրենակիցներին։ Նրանցից մեկն էլ Մամիկոն Ասլանյանն է․ նա մնում է կալանքի տակ, որովհետև իշխանությանը ոչ հաճո քաղաքապետ է, Հայաստանի երրորդ խոշոր համայնքի ղեկավարն է, իշխանությունները նրան պարտվել են և նրա հանդեպ թշնամական կամակորություն անելով նրան պահում են անազատության մեջ՝ քաղաքական նպատակներով»,- դատական նիստից հետո ասաց Գեղամ Մանուկյանը։