Էրդողանը կրկին խոսել է մահապատժի վերականգնման մասին

Թուրքիայի նախագահ Ռեջեփ Թայիփ Էրդողանը երկրում տեղի ունեցած ռազմական հեղաշրջման փորձի մասին հարցազրույց է տվել է CNN International-ին:

Ինչպես տեղեկացնում է Demokrathaber-ը՝ Էրդողանը հարցազրույցի ընթացքում անդրադարձել է նաև երկրում մահապատիժը վերականգնելու վերաբերյալ քննարկումներին:

Նրա խոսքով՝ ժողովրդի պահանջը իրենց կողմից երբեք չի անտեսվում:

«Սա հայրենիքի բացահայտ դավաճանություն է: Մենք չեն կարող անտեսել այդ պահանջը: Բայց, իհարկե, այդ հարցում Սահմանադրական մակարդակով ինչ-որ փոփոխություն անելու համար խորհրդարանի որոշում պետք է լինի, պետք է ղեկավարները հանդիպեն և քննարկեն: Եթե համաձայնվեն քննարկել այդ հարցը, ես էլ՝ որպես նախագահ, կհաստատեմ խորհրդարանի ընդունած որևէ որոշում»,-հայտարարել է Էրդողանը:

Նշենք, որ երեկ ԱՄՆ ԱԳ նախարարության ներկայացուցիչը հայտարարությամբ էր հանդես եկել Թուրքիայում մահապատիժը վերականգնելու վերաբերյալ՝ նշելով, որ «Որևէ երկիր, որը կրկին վեադառնում է մահապատժին, չի կարող Եվրամիության անդամ լինել»: