Էրդողանը խոսել է բանտում անցկացրած տարիների մասին

Փնարհիսարը ինձ համար բանտ չէր, այլ դպրոց. ասել է Թուրքիայի վարչապետ Ռեջեփ Թայիփ Էրդողանը Քըրքլարելի Փնարհիսարում ունեցած ելույթի ժամանակ. հայտնում է stargazete.com-ը:

«Փընարհիսարից սկսած` Թուրքիային շատ մեծ ծառայություններ ենք մատուցել: «Արդարություն և զարգացում» կուսակցության հիմնադրման առաջին ծրագրերը այնտեղ կայացրինք: Մեծ Թուրքիա տանող առաջին քայլն այնտեղ արեցինք»,- ասել է Էրդողանը և ավելացրել. «Թուրքիայում ազատությանը սահմանափակող խոչընդոտները վերացնում ենք»:

Էրդողանը բանտարկվել էր «մարդկանց միջև կրոնական և ռասայական տարբերություն դնելով` բացահայտորեն ատելություն և թշնամանք սերմանելու» մեղադրանքով: