Թուրքիայում սպայի 17-ամյա որդին սպանել է 3 ոստիկանի, վիրավորել ևս երեքի

Թուրքիայի Շանլըուրֆա քաղաքի ավտոբուսի կանգառում 17-ամյա Հուսեյին Դողուքան Էրդողանը սպանել է ոստիկանության երեք աշխատակցի և վիրավորել ևս երեքի:

Ըստ Haber.Sol-ի՝ տղայի ընտանիքը հայտնել է, որ նա ունեցել է հոգեբանական խնդիրներ:

Միջադեպը տեղի է ունեցել կանգառում, երբ ոստիկանները մարդկանցից ինքնությունը հաստատող փաստաթղթեր են պահանջել: Տղան փախուստի է դիմել` կրակ բացելով ոստիկանների մեկ այլ խմբի վրա: Փոխհրաձգության հետևանքով մահացել է 3 ոստիկան, երեքը` վիրավորվել: Միջադեպի ընթացքում վիրավորվել է նաև 17-ամյա տղան, ով հիվանդանոց տեղափոխվելուց հետո մահացել է:

Իշխանությունները հայտնել են, որ կատարվածը ահաբեկչության հետ կապ չունի: