Ստամբուլի օդանավակայանում ադրբեջանցուց առգրավվել է 1 միլիոն դոլարի զմրուխտ

Ստամբուլի «Սաբիհա Գյոքչեն» օդանավակայանում ոստիկաններն ադրբեջանական ծագումով անձից առգրավել են 1 միլիոն դոլար արժողության զմրուխտ:

Ըստ Milliyet-ի՝ մաքսանենգության մասին ահազանգից հետո ոստիկանները օդանավակայանում հատուկ գործողություն են իրականացրել, որի արդյունքում առգրավել են 5.5 կիլոգրամ զմրուխտ: Այն պահված է եղել թեյի տուփի մեջ:

Տեղեկությունների համաձայն՝ տուփը Ստամբուլ է հասցվել Դուբայից՝ ադրբեջանցի Յ.Դ.-ի կողմից, ով ձերբակալվել է օդանավակայանում:

Նշվում է, որ զմրուխտների մշակման դեպքում դրանց գինը կհասնի մինչև 3 միլիոն դոլարի:

Ուշագրավ է, որ նույն օրը օդանավակայանում տեղի ուենցած գործողության ընթացքում  առգրավվել է նաև սմարթֆոնի 19 հազար 950 մարտկոց: