Հայաստանի ազգային հավաքականը թեթև մարզում է անցկացրել

Արդեն տեղեկացրել էինք, որ Հայաստանի հավաքականը և ՀՖՖ ֆուտբոլային պատվիրակությունը Լոս Անջելեսում է, որտեղ մայիսի 28-ին և հունիսի 1-ին Հայաստանի հավաքականը կանցկացնի ընկերական 2 հանդիպում՝ մրցելով, համապատասխանաբար, Գվատեմալայի և Էլ Սալվադորի հավաքականների հետ։

Հաշվի առնելով բավականին երկարատև թռիչքը՝ մարզչական շտաբը որոշել է այսօր անցկացնել թեթև մարզում` առանց գնդակի՝ վերականգնողական վարժություններ, դանդաղ և միջին արագության վազք, սթրեչինգ  և այլն։ Վաղը Հայաստանի հավաքականն արդեն կանցկացնի լիարժեք մարզում։ Ավելացնենք, որ այսօրվա մարզմանը մասնակցում են հավաքական հրավիրված բոլոր ֆուտբոլիստները, բացառությամբ Մարկոս Պիզելլիի, ով հավաքականին կմիանա մայիսի 27-ին։