Հայաստանի ֆուտբոլի ազգային հավաքականը աշխարհում 46-րդն է

Քիչ առաջ FIFA-ն հրապարակեց ազգային հավաքականների դասակարգման հերթական աղյուսակը: Հայաստանի հավաքականը երկու նիշով զիջել է դիրքերը  եւ 608 միավորով զբաղեցնում է 46-րդ տեղը:

Առաջին տասնյակում են Իսպանիայի, Հոլանդիայի, Գերմանիայի, Ուրուգվայի, Բրազիլիայի, Իտալիայի, Անգլիայի, Հունաստանի, Պորտուգալիայի եւ Արգենտինայի հավաքականները: 10-րդ տեղը հավասար միավորներով Արգենտինայի հետ կիսում է Դանիան: Հիշեցնենք, որ Իտալիան ու Դանիան Հայաստանի հետ աշխարհի առաջնության ընտրական նույն խմբում են:

Նախկին ԽՍՀՄ երկրներից Ռուսաստանը շարունակում է զբաղեցնել 13-րդ տեղը, Ուկրաինան` 58-րդ, Էստոնիան` 59-րդ, Բելոռուսը` 61-րդ, Մոլդովան` 123-րդ, Լիտվան` 85-րդ, Լատվիան` 75-րդ, Վրաստանը` 67-րդ, իսկ Ադրբեջանը` 117-րդ տեղը:

Այսպիսով`  նախկին ԽՍՀՄ հանրապետությունների մեջ Ռուսաստանից հետո Հայաստանը երկրորդն է: