Էրդողանը նախ աջակցում է ահաբեկիչներին, այնուհետև` միջամտում հարցին` ազգի միակ փրկիչ երևալու համար. Քըլըչդարօղլու

«Էրդողանն աննախադեպ բռնապետ է, նրան ուրիշների հետ բաղդատելը դժվար է»,- նման հայտարարություն է արել Թուրքիայում ընդդիմադիր Ժողովրդա-հանրապետական կուսակցության ղեկավար Քեմալ Քըլըչդարօղլուն գերմանական Bild թերթին տված հարցազրույցում:

«Էրդողանին, ըստ Ձեզ, բռնապետ դարձնող երեք պատճառները որո՞նք են» լրագրողի հարցին ի պատասխան` Քըլըչդարօղլուն պատասխանել է. «1.Նա հավատում է, որ միակ ճիշտն իմացողն ու այդ մասին խոսողն է: 2. Նա ցանկանում է կուսակցությունը միայնակ ղեկավարել և իշխել: 3. Նա արհամարհում է Սահմանադրությունը, որը ցանկացած ժողովրդավարության օրենսդրական եւ դատական համակարգի հիմքն է»:

Ընդդիմադիր ղեկավարի խոսքով` Էրդողանը նախ աջակցում է ահաբեկչական խմբավորումներին, լարում բախումները, այնուհետև միջամտում, որպեսզի դրանք կանխի: «Նա ցանկանում է երևալ որպես ազգի միակ փրկիչ»,- նշել է Քըլըչդարօղլուն: