Ադրբեջանական զառանցանք. Լեոնարդո դա Վինչիի մայրը ադրբեջանուհի է եղել

Կանադայի ազգային գրադարանում`  Ադրբեջանի եւ Թուրքիայի  դեսպանատների  միջոցներով կազմակերպված դասախոսության ժամանակ,  Լեոնարդո դա Վինչիի կյանքի ուսումնասիրությամբ  զբաղվող գիտնական Լուի Բաֆ Պերին «ապացույցներ» է ներկայացրել, որ իտալացի նկարիչ, գիտնական Լեոնարդո դա Վինչիի մայրն ադրբեջանուհի է եղել:

Ըստ գիտնականի պնդումների` դա Վինչիի մայրը  որպես ստրուկ բերվել է Իտալիա, որտեղ էլ ստացել է Կատերինա անունը:  

Բացի այդ, գիտնականը «ուսումնասիրել է» դա Վինչիի ստեղծագործությունները եւ այնտեղ բազմաթիվ արեւելյան էլեմենտներ գտել, որոնք «ապացուցում են», որ նրա մայրը ծագել է «Կովկասի եւ Կասպից ծովի միջեւ գտնվող Ադրբեջան բնակավայրից», հայտնում է Novostikavkaza.com-ը:

Բացի այդ դա Վինչին ինքն էլ գրել է, թե հասել է մինչեւ Կասպից ծով, ինչից գիտնականը ենթադրում է, որ նկարիչը մեկնել էր մոր ծննդավայր:

Պարզ չէ միայն` գիտնականն իր դասախոսություններում ներկայացրել է կամ առհասարակ ուսումնասիրել է` ինչ է Ադրբեջանը, եւ Լեոնարդո դա Վինչիի (1452-1519 թ.) ապրած ժամանակներից քանի դար հետո է այն առաջացել: