Նուսայբինում շարունակվում են թուրք-քրդական բախումները

Թուրքիայի քրդաբնակ Մարդին նահանգի Նուսայբին շրջանում Քուրդիստանի բանվորական կուսակցության (ՔԲԿ-PKK) զինյալների և թուրք ուժայինների միջև բախումներ են եղել. տեղեկացնում է Ermenihaber-ը:

Ըստ թուրքական Milliyet թերթի կայքի՝ PKK-ականները  սպանել են 1 թուրք զինծառայողի: Երկու հոգի էլ վիրավորվել է: Ապրիլի 30-ի առավոտյան քուրդ գրոհայինները հարձակումն իրականացրել են այն ժամանակ, երբ անվտանգության ուժերը և սակրավորները Նուսայբինի Աբդուլքադիրփաշա, Ֆըրաթ, Ենիշեհիր, Դիջլեև Քըշլա թաղամասերում իրականացնում էին ականազերծման, բարիկադների և զինանոցների  ոչնչացման  աշխատանքներ:

Արդեն 48 օր է, ինչ Նուսայբինում շարունակվում է պարետային ժամը: Թուրքական ուժերի կողմից քուրդ գրոհայինների դեմ գործողությունները նույնպես շարունակվում են: