Տիգրանակերտում` ավերակների ֆոնին, դիմակով անձը ռասիստական ռեփ է երգել

Ներկայիս Թուրքիայի տարածքում գտնվող հայկական Տիգրանակերտ քաղաքի Սուր շրջանում հատուկ գործողություններն ավարտվել են, սակայն պարետային ժամի 147-րդ օրն է, և մարդկանց թույլ չեն տալիս վերադառնալ իրենց տները:

Ըստ Demokrathaber-ի` այս ամենին զուգահեռ` դիմակով անձը ռասիստական ռեփ է կարդացել Սուրի ավերածությունների ֆոնին: Իրեն «SAT5» անվանած անձը երգի տեսահոլովակի նկարահանումներն արել է ավերված Քուրշունլու մզկիթի դիմաց, Սուլեյման Նազիֆ դպրոցում, ընթացքում ձեռքին զենք է եղել: «Կա'մ սիրիր, կա'մ լքիր: Կա'մ խնդիրը լուծեք, կա'մ էլ այն ստեղծողին կախեք» խոսքերով երգի հեղինակին, ինչպես նաև տեսահոլովակը նկարահանողներին գտնելու ուղղությամբ որևէ նախաձեռնություն դեռևս չի սկսվել:

Նշենք, որ Սուր շրջանում հզոր մարտեր են ընթանում թուրքական ուժերի և Քուրդիստանի բանվորական կուսակցության զինյալների միջև: