Ինչո՞ւ մերժվեց «Կազանյան փաստաթուղթը»

Իհարկե դրա պատճառներից մեկը (առավել օբյեկտիվ)՝ ապրիլյան իրադարձությունների հետևանքով ստեղծված էմոցիոնալ ֆոնն է, սակայն սրան զուգահեռ ավելացել են նաև տարբեր շրջանակներից դաշտ նետվող «ուտկաների» հիմա վրա վերլուծություն-մեկնաբանությունները, որոնք ավելի շատ թուրք-ադրբեջանական ծագում ունեն:

Փորձ է արվում ներկայացվել, որ Կազանյան փաստաթուղթն այն նույն փաստաթուղթն է, ինչ 90-ականներին շրջանառվում էր փուլային տարբերակի շրջանակներում, որը պայմանական ասած, ստացել է պարտվողական որակումը:

Հասկանալի պատճառներով, վերջին տասնամյակում շրջանառվող-բանակցվող փաստաթղթերը հանրության լայն զանգվածներին հասանելի չեն, սակայն մի բան ակնհայտ է. եթե դրանք նույն փաստաթուղթն են, ապա ինչո՞ւ 90-ականներին Ադրբեջանը պատրաստ էր դա ստորագրել, իսկ Կազանում (2011-ին)՝ ոչ: Ադրբեջանի առաջարկած՝ մոտ մեկ տասնյակ փոփոխությունները որոշակի մեսիջներ են պարունակում փաստաթղթի բովանդակության մասին: