Ադրբեջանցիները Նազենի Հովհաննիսյանին «դիպուկահար» դարձրին

Ադրբեջանական լրատվամիջոցները տարածել են ղարաբաղա-ադրբեջանական շփման գծում`մարտական հենակետերում զինվորներին այցի գնացած հայտնի դերասանուհի, հեռուստահաղորդավարուհի Նազենի Հովհաննիսյանի լուսանկարը եւ գրել,  թե նա հայ դիպուկահար կանանցից է:

Հերթական անհեթեթ եւ զավեշտալի ապատեղեկատվության հեղինակները պնդում են, թե «դիպուկահարն» ինքն էլ խոստովանել այդ մասին, նաեւ նշում են, թե հայերը սովորություն ունեն մարտի դաշտ բերել կանանց, ծերերին եւ երեխաներին:

Նշենք, որ Իտալական RAI NEWS 24 հանրային լրատվական հեռուստաալիքի թղթակից Աննամարիա Էսպոզիտոն է ռեպորտաժ  պատրաստել Լեռնային Ղարաբաղի վերաբերյալ: Ռեպորտաժում զրուցել են նաեւ Նազենի Հովհաննիսյանի հետ, ինչն էլ զավեշտալի ապատեղեկատվության են վերածել ադրբեջանցիները:

Տեսանյութը՝ այստեղ: