Հարգելի ժողովուրդ, նորից քեզ մեղավոր դարձրին․ Անուշ Պողոսյան

«Առողջության իրավունք» իրավապաշտպան ՀԿ համանախագահ Անուշ Պողոսյանը գրում է․

«ՀՀ առողջապահության նախարարության NCDC, Armenia / Հիվանդությունների վերահսկման և կանխարգելման Ազգային Կենտրոնը հրապարակել է, որ 28.08.2023 թվականի դրությամբ Հայաստանում կարմրուկի լաբորատոր հաստատված դեպքերի թիվը հասել է 408-ի:

Դեռ 11.03.2023 -ին դիմել էի ՀՀ Կառավարություն ՝ շրջապատի համար վտանգ ներկայացնող <<Կարմրուկ>> հիվադության հակահամաճարակային վերահսկողության հետ կապված խնդիրների պարզաբանման նպատակով(այդ ժամանակ դեպքերի թիվը մոտ 50 էր): Հարցման պատասխանից ակնհայտ էր (անդրադարձել եմ նախորդ գրառումներում), որ Հայաստանի Հանրապետության տարածքում պետական սանիտարահիգիենիկ և հակահամաճարակային վերահսկողության իրականացումը մեղմ ասած անհուսալի է, որի արդյունքում ունենք դեպքերի բավականին աճ: Զավեշտալին այն է, որ ՀՀ առողջապահական և աշխատանքի տեսչական մարմին/HLIB.amը չպարզաբանեց, թէ ինչու կարմրուկի վարակի օջախներում չի իրականացրել օրենսդրությամբ սահմանված կարգով իր գործառույթները.....

Հասկանալի էր ,որ տեսչական մարմինը անգամ չի անհանգստացրել առողջապահության նախարարի << սրտի>> մանկական հիվանդանոցին, որից սկսվել էր վարակի տարածումը ( բոլոր պաշտոնական գրառումները հրապարակվել են):

Իսկ հիմա ամենակարևորը․

Առողջապահության Համաշխարհային Կազմակերպության Եվրոպական ռեգիոնի 50—ից ավելի երկրների մեջ Հայաստանը մեկ միլիոն բնակչի հաշվարկով կարմրուկի հաստատված դեպքերի քանակով /102,59/ հունիս ամսին գրավել է երկրորդ տեղը:

Վարակի տարածման հետ կապված ծիծաղելի է առողջապահության նախարարության պաշտոնյաների պարզաբանումները: Օրինակ ասում են ,որ պատճառը 10 և ավել տարի առաջ գյուղերում սխալ կամ կեղծ պատվաստումներն են,մարդիկ չեն պատվաստվում և այլն, սակայն մոռանում են ,որ այդ պատվաստումների վերահսկողությունը բացառապես պետք է իրականացներ ՀՀ առողջապահության նախարարությունը և վարպետորեն թաքցնում և չեն խոսում վարակի օջախի մասին......

Հ.Գ Հարգելի ԺՈՂՈՎՈՒՐԴ՝ << մեղավորը>> ԴՈՒ ես, ուրեմն կհիվանդանաս ԴՈՒ և կանխարգելման մասին կմտածես ԴՈՒ....

ՀՀ առողջապահության նախարարությունը հո պարապ ՞ չի........»։