Պահուստային ֆոնդից համայնքներին հատկացված փոխատվությունների մարման ժամկետը 1 տարով կերկարաձգվի

Կառավարության վաղվա օրակարգում նախատեսված է որոշում՝ փոփոխություն կատարել «Գյուղական կարողությունների ստեղծման ծրագրով համաֆինանսավորման պարտավորությունների կատարման համար գումար հատկացնելու մասին» որոշման մեջ:

Հայաստանի համայնքներում «Գյուղական տարածքների տնտեսական զարգացման ԾԻԳ» պետական հիմնարկի կողմից իրականացվող՝ գյուղական կարողությունների ստեղծման ծրագրով գազատարների կառուցման նպատակով 2012 թվականին առանձին համայնքների փոխարեն համաֆինանսավորման պարտավորություններն ապահովելու համար Հայաստանի վերականգնվող էներգե­տի­կա­­յի և էներգախնայողության հիմնադրամին տրամադրելու նպատակով Հայաստանի ֆինանսների նախարարությանը Հայաստանի 2012 թվականի պետական բյուջեով նախատեսված Հայաստանի կառավարության պահուստային ֆոնդի հաշվին հատկացված փոխատվությունները համայնքները ֆինանսական միջոցների սղության պատճառով չեն կարողանում ժամանակին վերադարձնել: Հայաստանի կառավարության պահուստային ֆոնդի հաշվին հատկացված 249,300.0 հազ. դրամից գումար չի մարվել:

Նշված որոշմամբ գումարների մարման ժամկետը սահմանվել է մինչև 2015 թվականի դեկտեմբերի 31-ը: Ներկայումս անհրաժեշտություն է առաջացել երկարաձգել մարման ժամկետը մինչև 2016 թվականի դեկտեմբերի 31-ը: Տվյալ բնագավառում իրականացվող քաղաքականությունն ուղղված է համայնքների սոցիալ-տնտեսական զարգացմանը: