Պահուստային ֆոնդից գումար կհատկացվի հսկիչ-դրամարկղային մեքենաների նոր խմբաքանակ ձեռքբերելու համար

Կառավարության վաղվա նիստի օրակարգում ՊԵԿ-ը ներառել է հարց` հսկիչ-դրամարկղային մեքենաներով տնտեսավարողներին ապահովելու նպատա­կով «Հսկիչ-դրամարկղային մեքենաների ներդրման գրասենյակ» ՊՈԱԿ-ին պահուստային ֆոնդից 2017 թվականի առաջին կիսամյակում հատկացնել 180 միլիոն դրամ:

 Ներկա պահին հսկիչ-դրամարկղային մեքե­նա­ների ներ­դրման գրասենյակ ՊՈԱԿ-ի տրամադրության տակ առկա հսկիչ-դրամ­արկ­ղա­յին մեքե­նա­ների քանակությունն ավարտվում է և անհրաժեշտություն է առաջացել ձեռք բերել շուրջ 1000 հատ հսկիչ-դրամարկղային մեքենաներ: Խնդիրը, սակայն, կայանում է նրա­նում, որ հսկիչ-դրամարկղային մեքենաների ներ­դր­ման գրասենյակ ՊՈԱԿ-ը չունի բավա­րար ֆինանսական միջոցներ՝ հսկիչ-դրամարկ­ղա­յին մեքենաների ձեռքբերումն ու ներ­մուծումը սեփական միջոցներով կազմակերպելու համար:

Տվյալ բնագավառում իրականացվող քաղաքականությունն ուղղված է նոր սերնդի հսկիչ-դրամարկղային մեքե­նա­ների համատարած ներդրմանը, ինչը հնարավորություն կընձեռի բարձրացնել հարկային վար­չարարության արդյունավետությունը, կրճատել ստվերային շրջանառությունները:

Նախագծով առաջարկվում է վերը նշված խնդիրը լուծելու համար Հայաստանի Հանրապետության կառավարությանն առընթեր պետա­կան եկամուտների կոմի­տեին «Հսկիչ-դրամարկղային մեքենաների ներդրման գրա­սեն­յակ» պետական ոչ առևտ­րային կազմակերպությանը տրամադրելու համար Հայաս­տանի Հանրապետության 2017 թվականի պետական բյուջեով նախատեսված Հայաստանի Հանրապետության կառա­վա­րության պահուստային ֆոնդից 2017 թվականի երկրորդ եռամսյակում հատկացնել 180.0 մլն. դրամ:

Նախագծի ընդունման արդյունքում ակնկալվում է  ապա­հո­վել տնտեսավարող սուբյեկտներին ՀՀ կառա­վա­րության սահմանած արտոնյալ պայմաննե­րով նոր սերնդի հսկիչ-դրամարկղային մեքե­նա­ների տրամադրման գործընթացի շարու­նա­կա­կանությունը: