Տարոն Մարգարյանը ծառատունկի է հրավիրում

Երեւանի քաղաքապետ Տարոն Մարգարյանը ապրիլի 9-ին հրավիրում է համաքաղաքային ծառատունյի եւ շաբաթօրյակի.

«Հարգելի՛ համաքաղաքացիներ, ֆեյսբուքյան ընկերներ, Երևանը սիրող մարդիկ,
հրավիրում եմ մասնակցելու ապրիլի 9-ին կայանալիք համաքաղաքային ծառատունկին և շաբաթօրյակին, ինչը վերջին տարիներին դարձել է քաղաքային մշակույթի կարևոր մասը: 
Վստահ եմ, որ Երևանը սիրող յուրաքանչյուր մարդ, մասնակցելով համաքաղաքային ծառատունկին, կարող է սեփական ներդրումը ունենալ քաղաքի կանաչ տարածքների ավելացման այս կարևոր գործում: 
Ու եթե այսօր Երևան քաղաքում բնակվող ավելի քան մեկ միլիոն մարդկանցից գոնե կեսը մեկական ծառ տնկի և այս ավանդույթը պահպանի, ապա տարիներ հետո Երևանը կդառնա աշխարհի ամենականաչ մայրաքաղաքներից մեկը»,- Facebook-ի իր էջում գրել է քաղաքապետը: