Սավչենկոն մեղավոր է ճանաչվել ռուս լրագրողների սպանության մեջ

ՌԴ Ռոստովի շրջանի դատարանը ուկրաինացի օդաչու Նադեժդա Սավչենկոյին մեղավոր է ճանաչել ռուս լրագրողների սպանության մեջ։ Այդ մասին ասված է դատավճռում. հայտնում է НТВ-ն:

Նշվում է, որ Սավչենկոն սպանել է ռուս լրագրողերին ատելության և թշնամանքի դրդապատճառներով: Սպանության կազմակերպիչ է ճանաչվել «Այդար» գումարտակի հրամանատար Սերգեյ Մելնիչուկը:Դատարանը Սավչենկոյին նաև մեղավոր է ճանաչել ՌԴ-ի սահմանն ապօրինաբար հատելու մեջ:

Դատավճիռը կընթերցվի երկու օր: Դատախազը պահանջել է Սավչենկոյին 23 տարվա ազատազրկման դատապարտել:

Հիշեցնենք, որ Սավչենկոն ձերբակալվել էր 2014-ի ամռանը: Նա մեղադրվում է լրագրողներ Իգոր Կորնելյուկի և Անտոն Վոլոշինի սպանությանը հանցակցելու մեջ: