Հայկական լոբբին պետք է պայքարի Սիրիայի ամբողջականության պահպանման համար. Լևոն Շիրինյան

Քաղաքագետ Լևոն Շիրինյանն այսօր լրագրողների հետ հանդիպմանն անդրադարձավ Սիրիայում տիրող իրավիճակին: Նրա խոսքով`այս ժամանակաշրջանում սկսվում է Ամերիկայի և Ռուսաստանի շահերի վերլուծության ենթարկելու շրջանը: Շիրինյանի բնորոշմամբ`Ռուսաստանը ցանկություն ունի, որ Սիրիայում տարածքային փոփոխություններ չլինեն, իսկ Ամերիկան ուզում է ռեգիոնալ մասերի բաժանել, որը համընկնում է Թուրքիայի և Իսրայելի շահերի հետ: «Մեր շահն այն է, որ եթե հայկական լոբբին հնարավորություն ունի, պետք է  պայքարի  Սիրայի ամբողջականության պահպանման համար: Ինձ թվում է ԱՄՆ-ն նահանջելու է: Ամերիկան ավելի շատ հետաքրքրված է  Արևելյան Ասիայով և  նրա գեոպոլիտիկական մրցակիցը Չինաստանն է»,- ասաց Շիրինյանը` հավելելով, որ դժվար է հասկանալ`պետականորեն կկարողնա՞ նք մեր մեքենան շահել` գործընկերություն պայմանագրային պարտավորություններով, թե՞ եթե պետք է «քոծի» նման լինենք:

Շիրինյանը նշեց նաև, որ Թուրքիան անընդմեջ տարբեր ուղղություններով է գնում և մեկ հայտնվում է  պանթյուրքիզմի շղարշի ներքո, մեկ էլ` պանիսլամիզմի, որը Թուրքիայի պարագայում հասկանալի է: