Նախագահի ելույթն ուղիղ եթերով կհեռարձակվի. Շարմազանով

Նախագահական նստավայր այս պահին շարունակում են ժամանել քաղաքական այրերը: Գործադիրի բոլոր անդամներն ու դեսպաններն արդեն ժամանել են: Այժմ գալիս են ՀՀԿ խմբակցության պատգամավորները, ոստիկանության բարձրաստիճան պաշտոնյաները, Վերահսկիչ պալատի նախագահ Իշխան Զաքարյանն ու այդ կառույցի այլ ներկայացուցիչներ:

Լրագրողները մի քանի հարց ուղղեցին ԱԺ փոխնախագահ Էդուարդ Շարմազանովին, թե ի՞նչ է կատարվելու նախագահականում այսօր: Ի պատասխան, նա նշեց. «Ես  ներկա եմ միջոցառմանը՝ որպես Հանրապետական կուսակցության ներկայացուցիչ և ոչ թե մամուլի խոսնակ, ուստի չեմ կարող պատասխանել ձեր հարցերին: Գիտեմ, որ նախագահի ելույթն ուղիղ եթերով կհեռարձակվի, և դրանով ամեն բան պարզ կլինի»: