Կառավարության ծրագրի հիմքում նախագահի մայիսի 18-ի ծրագրային ելույթն է. Շարմազանով

 Այսօր տեղի է ունեցել հերթական ՀՀԿ ԳՄ նիստը: Նիստի  ավարտից հետո ՀՀԿ խոսնակ Էդուարդ Շարմազանովը նշեց, որ քննարկել են կառավարության ծրագիրը, որն իր մեջ ներառում է ՀՀ նախագահի մայիսի 18-ի ծրագրային ու հայեցակարգային դրույթների թիրախները:

«Կառավարությունը առաջարկում է հստակ թիրախ ընտրել տարեկան 5 տոկոս տնտեսական աճ, 25 տոկոս նվազագույն աշխատավարձի աճ, 12 տոկոս գործազրկության նվազում: Լուրջ ուշադրություն ենք դարձնում հակակոռուպցիոն բլոկին, որը կառավարության առաջիկա տարիների առանցքային ուղղությունը պետք է լինի: Շատ կարևոր տեղ է հատկացվում ՀՀ անվտանգության խնդիրներին, շարունակելու ենք ամրապնդել ՀՀ անվտանգության համակարգը, խորացնելով ազգ-բանակ գաղափարախոսությունը»,- ասաց Շարմազանովը` խոսելով կառավարության ծրագրի նախնական տարբերակը: Շարմազանովի կարծիքով կառավարության ծրագիրը հավակնոտ է, որում ընտրված թիրախները վերցված են ՀՀ նախագահի ծրագրային ելույթից: