Ինչպես տղամարդը պատժեց որդու մասին անպարկեշտ լուրեր տարածած հարևանին

Արարատի մարզի դատախազությունը նույն մարզի դատարան է ուղարկել դիտավորությամբ ուրիշի գույքը ոչնչացնելու վերաբերյալ գործը: Համաձայն մեղադրական եզրակացության՝ Հ. Հովհաննիսյանը, իր որդու կողմից անչափահաս հարևանուհու նկատմամբ սեքսուալ բնույթի բռնի գործողություններ կատարելու մասին՝ վերջինիս և նրա հոր` Վ.Մինասյանի կողմից սուտ տեղեկություններ տարածելու հարցի շուրջ նրանց հետ ունեցած անբարյացակամ փոխհարաբերություններից ելնելով, Վ.Մինասյանի գույքը դիտավորությամբ վնասելու նպատակով 2015թ. դեկտեմբերի 8-ին գնացել է նրա տուն և իր հետ վերցրած փայտով հարվածել ու կոտրել է նրա տան 1-ին հարկի եվրոպատուհանների ապակիներն ու պատուհանների 2 հատ ցանցերը, ինչի հետևանքով Վ.Մինասյանին պատճառվել է 42.056 ՀՀ դրամի նյութական վնաս:

Հովհաննիսյանին մեղադրանք է առաջադրվել ՀՀ ՔՕ 185-րդ հոդվածի հատկանիշներով և որպես խափանման միջոց ընտրվել չհեռանալու մասին ստորագրությունը: