ՀՅԴ-ն չմասնակցեց բյուջեի նախագծի քվեարկությանը

Այսօր ԱԺ հերթական քառօրյայի նիստում քվեարկության դրվեց 2016թ. բյուջեի նախագծի լրամշակված տարբերակը:

ԱԺ ՀՅԴ խմբակցության քարտուղար Աղվան Վարդանյանը նշեց, որ ՀՅԴ գնահատականը բյուջեին հայտնի է: «Աննախադեպ համեստ ցուցանիշներ են, և այս դեպքում կարևոր է դառնում կառավարման արդյունավետությունը  որակապես կտրուկ բարձրացնելը: Եվ քանի որ լինելու են հերոսաբար դեմ և հերոսաբար կողմ քվեարկողներ, մեր խմբակցությունն այս քվեարկությանն ուղղակի չի մասնակցի»,- ասաց նա:

ԲՀԿ խմբակցության ղեկավար Նաիրա Զոհրաբյանը վարման կարգով նշեց. «Կարծում եմ` այստեղ հերոսության դրսևորման շքահանդես չէ: ԲՀԿ-ն ոչ թե հերոսաբար, այլ սթափ ու պրագմատիկ քվեարկում է կողմ»:

Բյուջեի նախագծին կողմ քվեարկեց 97 պատգամավոր, դեմ՝ 12 և ձեռնպահ՝ 3: Կառավարության անդամները քվեարկության արդյունքները ծափահարությամբ ընդունեցին: