Ընտրակաշառքի վերաբերյալ ահազանգերը ստուգվում են

ՀՀ քննչական կոմիտեի Լոռու մարզային քննչական վարչությունում ստուգում են մամուլի հրապարակումները ընտրակաշառք բաժանելու վերաբերյալ` «Թրանսփարենսի Ինթերնեշնլ» հակակոռուպցիոն կենտրոնի և «Հելսինկյան Քաղաքացիական Ասամբլեայի Վանաձորի գրասենյակ»-ի կողմից արձանագրված դեպքերը։

Ահազանգերից մեկը վերաբերում է Վանաձորի թիվ 30/6 ընտրական տեղամասային հանձնաժողովի նախագահին, մյուս 2-ը՝ Լոռու մարզի ընտրողներին ընտրակաշառք բաժանելուն։

Ընտրակաշառքի վերաբերյալ հրապարակումները Լոռու մարզային քննչական վարչություն են ուղարկվել Լոռու մարզի դատախազի կողմից: Կատարվում է քննություն՝ մատնանշված հանգամանքներն ստուգելու և օրենքով սահմանված կարգով ընթացք տալու համար։