Բացման պահին տեղամասերի 85-90 տոկոսում ներկա են եղել վստահված անձեր. Տիգրան Մուկուչյան

Կենտրոնական ընտրական հանձնաժողովի նախագահ Տիգրան Մուկուչյանը ԿԸՀ մամուլի սրահում ամփոփեց առաջին տվյալները: Ըստ նրա` ժամը 08:00-ի դրությամբ` 1997 տեղամասից բացվել է 1989-ը, ձևավորվել է նույնքան տեղամասային հանձնաժողով: Մնացած ութ տեղամասերից մի քանիսը, որոնք գտնվում են քրեակատարողական հիմնարկներում, կբացվեն 11:00-ին, իսկ մնացածները՝ 17:00-ին:

ԿԸՀ նախագահի խոսքով՝ ստացված տվյալների համաձայն՝ առավոտյան ընտրատեղամաս չի ներկայացել  հանձնաժողովի 141 անդամ, որոնց փոխարեն նշանակումներ են կատարվել հանձնաժողովների կողմից: Ստացված տեղեկատվության համաձայն՝ ընտրատեղամասերի բացման պահին տեղամասերի 85-90 տոկոսում ներկա են եղել վստահված անձեր, դիտորդներ կամ լրագրողներ: