Թուրք ոստիկանները սպանել են 19-ամյա քուրդ երիտասարդի և, կապելով դին մեքենայի հետևից, 300 մետր քարշ տվել

Թուրքիայի Շըրնաք նահանգի Սիլոփի շրջանում թուրք ոստիկանները սպանել են քուրդ երիտասարդի և, ըստ իրենց «սովորույթի»,  դին մեքենայից կապել ու 300 մետր քարշ տվել:

Ըստ Demokrathaber-ի՝ դեպքը տեղի է ունեցել նոյեմբերի 12-ին: Դեպքի վայրում արված լուսանկարում երևում են երիտասարդի արյան հետքերը:

Երիտասարդի դին հիվանդանոց տեղափոխելուց հետո  հիվանդանոցի ելքն ու մուտքը փակել են:

Հիշեցնենք, որ  մոտ մեկ ամիս առաջ Շըրնաք նահանգում թուրք ոստիկանները դարձյալ քուրդ երիտասարդի էին սպանել՝ նրա դին ևս կապելով մեքենայի հետևից ու այն 100 մետր քարշ տալով:  Հետագայում հրապարակվել էր լուսանկար, որում ոստիկանատան դիմաց հավաքված մի խումբ մարդիկ լուսանկարվում են  24-ամյա քուրդ երիտասարդի դիակի հետ: