Սպիտակ տունը մտահոգություն է հայտնել Թուրքիայում ընտրությունների արդյունքների կապակցությամբ

Սպիտակ տունն արձագանքել է Թուրքիայում նոյեմբերի 1-ին տեղի ունեցած արտահերթ խորհրդարանական ընտրությունների արդյունքներին՝ այդ կապակցությամբ մտահոգություն հայտնելով:

Ըստ Demokratahber-ի՝ Սպիտակ տան տարածած հայտարարության մեջ մտահոգություն են հայտնել Թուրքիայում լրագրողների դեմ ճնշումների կապակցությամբ:

«Մենք խորապես մտահոգված ենք, որ նախընտրական քարոզարշավի ողջ ընթացքում ԶԼՄ-ների ու լրագրողների նկատմամբ ճնշումներ էին գործադրվում: Մենք թուրքական իշխանություններին կոչ ենք անում հարգել Սահմանադրության մեջ տեղ գտած համամարդկային արժեքները»,- մասնավորապես ասվում է հայտարարության մեջ:

Հիշեցնենք, որ նոյեմբերի 1-ին ձայների մեծամասնությունը հավաքեց «Արդարություն և զարգացում» կուսակցությունը՝ դառնալով միակ իշխողը: