Խորենացի փողոցում կատարվածը մահափո՞րձ էր

Արդեն հայտնել ենք, որ երեկ կրակոցներ են հնչել Խորենացի փողոցում, ինչի հետևանքով 4 անձ հրազենային վիրավորումով տեղափոխվել է հիվանդանոց: Ինչպես 1-ին համալսարանական հիվանդանոցից հայտնում է yerkir.am-ի լրագրողը վիրավորներից Վլադիմիր Գ.-ն, Արման Ա.-ն եւ Արման Ս.-ն գտնվում են հիվանդանոցի վերակենդանացման բաժանմունքում, նրանց միճակը բավարար է, առաջիկայում կտեղափոխվեն հիվանդասենյակներ:

Նշենք, որ վիրավորներից Վահագն Գրիգորյանն էլ գտնվում է Էրեբունի բժշկական կենտրոնում, նրա վիճակը ծանր է:

Yerkir.am-ը քննչական կոմիտեից տեղակացավ, որ դեպքի առթիվ հարուցվել է քրեական գործ` ՀՀ ՔՕ34-104 հոդվածի (սպանության փորձ) և 235 հոդվածի (ապօրինի զենք զինամթերք պահելը) հատկանիշներով: Կատարվում են ակտիվ քննչական գործողություններ` դեպքի հանգամանքները պարզելու համար: