Փոխարժեքներ
04 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
ԵԱՀԿ Մինսկի խմբի ռուսաստանյան համանախագահ Իգոր Պոպովը հարցազրույց է տվել ադրբեջանական АПА-ին, որում խոսել է ԼՂ հակամարտության մասին:
Խոսելով ԼՂ-ում ՌԴ-ի կողմից խաղաղապահներ տեղակայելու հնարավորության մասին` Պոպովը նշել է, որ դա հնարավոր է հակամարտության կողմերի համաձայնության հիման վրա և այն բանից հետո, երբ ձեռք բերվեն Ղարաբաղյան հակամարտության վերաբերյալ հիմնական պայմանավորվածությունները:
«Խաղաղությանն աջակցելու նպատակով բազմազգ ուժերի գործողությանը պետք է նախորդի ՄԱԿ-ի Անվտանգության խորհրդի համապատասխան բանաձևը, ինչպես նախատեսված է Բուդապեշտյան գագաթաժողովի որոշմամբ։ Խաղաղապահ ուժեր տրամադրելու պատրաստ երկրներից նման զորակազմի ընտրությունը կիրականացվի հակամարտության կողմերի համաձայնության հիման վրա», - հայտարարել է դիվանագետը։
Մեկնաբանելով ՀՀ նախագահ Սերժ Սարգսյանի` վերջերս արած հայտարարությունը, թե Լեռնային Ղարաբաղը Հայաստանի անբաժան մասն է, Պոպովն ասել է. «Տեղեկատվա-պրոպագանդիստական ֆոնի հետևողական խտացումը, իսկ վերջին ժամանակներս դրա համար քիչ առիթ չի եղել, բացասական է ազդում բանակցային գործընթացի վրա: Ինչ վերաբերում է ԼՂ կարգավիճակին, ապա այն պետք է որոշվի կողմերի պայմանավորվածության հիման վրա»: