Ավտոտնակում կախված 44-ամյա տղամարդը պարտքե՞ր է ունեցել

Ինչպես արդեն տեղեկացրել էինք, այսօր առավոտյան հերթական ինքնասպանության դեպքն է գրանցվել Կոտայքի մարզում: 

ՀՀ Քննչական կոմիտեի տեղեկացմամբ,       2015թ. հոկտեմբերի 14-ին՝ ժամը 09:10-ին, ոստիկանության Նաիրիի բաժնում ահազանգ է ստացվել, որ Կոտայքի մարզի Զորավան գյուղի 1-ին փողոցում գտնվող  ավտոտնակներից մեկում տղամարդու դիակ կա:

Անմիջապես դեպքի վայր է մեկնել քննչական-օպերատիվ խումբը և պարզել, որ մահացածը նույն հասցեի բնակիչ, 44-ամյա Ս.Աղիկյանն է:
Նախնական տվյալներով՝ Ս.Աղիկյանն ինքնասպան է եղել իր ավտոտնակում՝ պարանով կախվելու միջոցով:
Դիակի արտաքին զննությամբ որՔևէ մարմնական վնասվածք չի հայտնաբերվել: Ըստ նախնական տվյալների՝ Ս.Աղիկյանն ունեցել է պարտքեր:
Նշանակվել է դատաբժշկական փորձաքննություն:
Ոստիկանության համապատասխան բաժնին հանձնարարություն է տրվել անհրաժեշտ միջոցներ ձեռնարկել՝ դեպքի իրական հանգամանքները պարզելու ուղղությամբ: