ԲՀԿ-ում նոր փոփոխություններ են սպասվում

Բացի Ստեփան Մարգարյանի ու Էլինար Վարդանյանի` միջազգային պատվիրակությունների կազմից ազատվելուց, կուսակցությունում տեղի է ունեցել ևս մեկ փոփոխություն` Նաիրա Զոհրաբյանը դուրս է եկել Ֆրանկոֆոնիայի միջազգային կազմակերպությունից: Այս մասին Yerkir.am-ին հայտնեց ԲՀԿ մամուլի խոսնակ Վահան Բաբայանը:

«Փոքր փոփոխություններ են տեղի ունենում մեր կուսակցությունում: Այսօր ևս մեկ փոխատեղման մասին կտեղեկանաք»,- ասաց նա:

Մեր հարցին, թե` կրկի՞ն որևէ պատգամավորի կհեռացնեք կուսակցությունից, Վահան Բաբայանը պատասխանեց, որ դա հեռացում չէ, այլ փոխատեղում:

Հարցին` Հայկ Խաչատրյանի հետ կապված ի՞նչ դիրքորոշում եք որդեգրել, ԲՀԿ մամուլի խոսնակը պատասխանեց, որ Հայկ Խաչատրյանն այս պահին հանրապետությունում չէ, որևէ ինֆորմացիա չունի նրա մասին:

Նշենք, որ ԲՀԿ պատգամավոր Հայկ Խաչատրյանը հայտարարել էր, թե դեմ է  սահմանադրական բարեփոխումներին, մինչդեռ` նրա կուսակիցները կողմ են Մայր օրենքի փոփոխությանը: